casco insumissia fusil roto
x
casco insumissia fusil roto

Para ponerse en contacto con nosotr@s envíanos un email a noticias @ antimilitaristas.org.

Radio Kalimero - La Haine

Espaço contra o Desfile Militar na Corunha

Espaço contra o Desfile Militar na Corunha

Convocatoria para a posta em marcha dum espaço contra o desfile militar

Poucos días tenhen passado desde o conhecimento público da intençom do Concelho da Corunha e do “Ministerio de Defessa” de festejar o desfile central do “Día das Forças Armadas” na nossa cidade o próximo sábado 28 de Maio. Nestes días ven-se palpando de jeito notável o malestar que diversos sectores da sociedade sinte perante esta innecesaria exibiçom.

Conscientes disso, sugerimos a posta em marcha dum espaço como dispositivo que poda servir para sumar as forças de todas as pessoas que estamos contra a parada militar, aproveitando ao tempo a riqueza da pluralidade de perspectivas e identidades polas quais cada quem sostém tal rejeite.

Por isso, nom temos intençom de criar umha nova sopa de letras, umha plataforma de colectivos ou qualquer outro artefacto que ocupe boa parte do seu tempo em questons formais sobre a súa própria identidade. Trata-se de conjugar a maior acumulaçom de forças possível co maior respeito á pluralidade de perspectivas dos sujeitos intervintes.

Este espaço de encontro, denúncia e luita deveria servir para amosar o distanciamento social ao respeito de este género de litúrgias de exaltaçom dos mais miseráveis valores do poder e do militarismo e, ao tempo, para contribuir a relançar a luita social nesta cidade e neste pais, tentando conjugar conflito com criatividade. Marcar diáfanas distâncias pois, entre o que entendemos nós, como cidadás deste povo por Democracia e o que entendem, por esta boni
ta palavra, os poderosos estados transnacionais.

Convocatória em copyleft, inapropriável, e susceptível de ser reenviada.

Também estam-se a recolher já centos de sinaturas pela cancelaçom do desfile

NA CORUNHA NOM QUEREMOS O DESFILE MILITAR

Ante o anúncio de que a finais de maio está previsto na nossa cidade o Desfile Militar do Dia das Forças Armadas, as pessoas abaixo assinantes, cidadás da Corunha, queremos manifestar o seguinte:

Opomo-nos a que se utilizem os espaços públicos para fazer uma mostra de armamento e uma exaltaçom de valores alheios à convivência, em detrimento dos direitos da cidadania corunhesa.

Parece-nos bochornoso e uma vergonha para a cidadania da Corunha que aqui se poda fazer uma exaltaçom militarista da guerra e da destruiçom; quando somos uma cidade que sempre defendeu os valores da paz e a solidariedade. Ademais é uma ofensa para as vítimas de qualquer guerra.

A realizaçom de um desfile militar só tem sentido desde uma perspectiva social desfassada e anacrónica. Consideramos o desfile como um acto totalmente descontextualizado do momento que vive a nossa sociedade. Consideramos fora de lugar uma exaltaçom militarista deste tipo.

Por tudo isto solicitamos da Delegaçom do Governo a CANCELAÇOM IMEDIATA do desfile.

(Podes baixar aqui o documento de recolha de sinaturas pela cancelaçom do desfile).

Alternativa Antimilitarista - Moc
Administración RSS